اسلام آباد 07 جولائی(اے پی پی)د وزيراعظم د سماجي تحفظ او د غربت د كمولو خاص مرستيالې ډاكټر ثانيه نشتر نيويارك كښې د ملګرو ملتونو د اعلٰی كچ پائيدار پرمختګ پوليټيكل فورم ته خطاب كړے ۔په پوليټيكل فورم كښې 43 هېوادونه ګډون كوي۔فورم د ملګرو ملتونو معاشي او سماجي كونسل د سيوري لاندې د پاكستان په مشرۍ كښې شوے۔په ملګرو ملتونو كښې د پاكستان سفير منير اكرم د خپلو خبرو نه د غونډې آغاز وكړو۔په خپله وېنا كښې ډاكټر ثانيه نشتر د كورونا وبا په تناظر كښې د پاكستان حكومت كردار او لائحه عمل وړاندې كړو۔دې ووئيل د كورونا وبا په تناظر كښې احساس ايمرجنسي كېش وركول په بشپړه توګه په ډيجيټل نظام مشتمل ؤ او سماجي تحفظ او د بشري وسائلو پرمختګ د كورونا نه وړاندې هم د پاكستان حكومت په ترجيحات كښې شامل وو۔د سماجي تحفظ په اعتبار سره د پاكستان حكومت په اقدامات او د دغې په اثرات رڼا اچولو سره ډاكټر ثانيه نشتر ووئېل د پروګرام څخه د استفاده كونكې آبادۍ په تناسب احساس ايمرجنسي كېشن د نړۍ درېم لوئې پروګرام ګرځولے شوے۔د پاكستان په نمائندګي كولو كښې ډاكټر ثانيه نشتر ووئيل په ټول هېواد كښې د سماجي تحفظ دې پروګرام څخه مونږ درې مهمې زده كړې كړي٬وړومبے د سماجي تحفظ پروګرامونه سپيځلې كولو لپاره د حقائقو په بنياد د ډېټا او ترسيل نوے نظام٬ دوهم د مالياتي او ډيجيټل خبرتيا د لارې په سماجي تحفظ كښې مالياتي او ډيجيټل ګډون باوري كول٬درېم د وبا په تناظر كښې د انساني وسيلو په بشپړه توګه تحفظ كول دي چې دغسې په بېړني صورتحال كښې د منفي رجحانات مخ نيوې وكړے شي۔د دې نه پس ډاكتر ثانيه نشتر په نيويارك ګښې د ملګرو ملتونو نړيوالو مراسله نګارو او نامه نګارو ته د كورونا وبا په پس منظر كښې په احساس تفصيلي بريفنګ وركړو ۔د يوې پوښتنې په ځواب كښې دې ووئيل پاكستان په هغه څو هېوادونو كښې شامل دے چا چې د كورونا وبا مخ نيوي لپاره اقدامات كړي۔د احساس له مخې د روغتيا٬تعليم او معاشي پرمختګ په اړه پورته كړي اقدامات هم د خبرو اترو برخه ګړځېدلي ۔ډاكټر ثانيه نشتر په درې ورځنۍ دوره نيويارك كښې موجود ده٬هغه به د دورې په مهال د ملګرو ملتونو په نورو ځينو ذيلي غونډو كښې هم ګډون كوي۔
د ډاكټر ثانيه نشتر نيويارك كښې د ملګرو ملتونو د پائيدار پرمختګ سياسي فورم ته وېنا
مضمون کا ماخذ : لاٹری ایپ ڈاؤن لوڈ کریں
متعلقہ مضامین
