اسلام آباد۔3اکتوبر(اے پی پی) د پاكستان علماﺀ كونسل ترسېوري لاندې په ګرد هېواد كښې به د ربيع الاول او ربيع الثاني مياشتو كښې په سيرت مصطفیﷺ كنفرنسونه او غونډې كېږي۔ د دواړو مياشتو د جمعې ورځې خطبو كښې به د روان وخت غوښتنو سره مطابقت لرونكې موضوعات اختيارولې شي كومو كښې به چې د زده كړو اهميت ٬ حجاب او حياﺀ ٬ د مصطفی ﷺ د تعليماتو په رڼا كښې د تبليغ طريقه ٬ د مېرمنو حقونه ٬ افواه خپرول ٬ د سنت مصطفی ﷺ په رڼا كښې نكاح كول او د جهېز رسم نه ځان بچ كول٬ د محراب او منبر کردار او مسجد په حېث د يو اولسي خېر ښېګړې مركز شامل وي۔ دا خبره د پاكستان علماﺀ كونسل چيئرمېن او د وزيراعظم د مذهبونو ترمينځه د همغږۍ مرستيال حافظ محمد طاهر محمود اشرفي لاهور كښې خبري كنفرنس ته خطاب كښې وكړه۔ حافظ محمد طاهر محمود اشرفی ووئيل نړۍ ته به دا پوهاوې وركول وي چې د مدينې منورې رياست څه ؤ؟ د خلافت راشده نظام څه ؤ او مونږ څه غواړؤ ٬ چرته چې انصاف نه خرڅيږي٬ چرته چې څوك نهر نشته٬ چرته چې ملاوټ نشته٬ نن مونږ خپله تيار نه يؤ چې د مدينې منورې رياست جوړ كړؤ؟ د مدينې منورې رياست په ډول رياست جوړولو له به قام له خپله تيارېدل وي۔ هغه ووئيل ټول هېواد كښې به د سېرت النبي (ص) په بېلو اړخونو سكولونو ٬ كالجونو ٬ پوهنتونونو او مدرسو كښې تحريري او تقريري مقابلې كېږي۔ هغه ووئيل 6 سوه پاكستاني زده كوؤنكو ته د سكالرشپ په وركولو د سعودي عربستان حكومت مننه كوؤ۔ هغه ووئيل د پاكستان عرب اسلامي هېوادونو سره اړېكې د تېرو 10 نه ډېرې ښې روانې دي۔د افغانستان په اړه د پاكستان دريځ ټوله نړۍ خپلوي۔ هغه ووئيل مونږ يو مضبوط افغانستان غواړؤ ٬ نړۍ بايد په دې بابله مرسته وكړي۔ نړۍ دې افغان طالبانو سره د خبرو د لارې مسئلې او چارې ترسره كړي۔ هغه ووئيل د افغانستان په مسئله كه څوك په پاكستان ټكونه كول غواړي نو د دې علاج ممكن نه دے۔ اشرف غني ته پاكستان د كابل پرېښودلو نه ؤ وئيلې۔ د يوې بلې پوښتنې په ځواب كښې حافظ محمد طاهر اشرفي ووئيل جنګونه هم په مذاكراتو ختمېږي۔ هغه ووئيل عمران خان به كوم داسې كار نه كوي كوم چې د قامي هيلو او ګټو په ضد وي۔ هغه ووئيل د پاكستان دښمنه قوتونو هدف پاكستان او افغانستان يو بل سره ټكر كول دي ٬ د دې سازش ناكامه كولو له به يو موټې كېدل وي۔
د پاكستان علماﺀ كونسل ترسېوري لاندې په ګرد هېواد كښې به د ربيع الاول او ربيع الثاني مياشتو كښې په سيرت مصطفیﷺ كنفرنسونه او غونډې كېږي۔ حافظ محمد طاهر محمود اشرفي
مضمون کا ماخذ : اسکریچ کارڈ کے نتائج
متعلقہ مضامین
