اسلام آباد 06 جولائي (اے پي پي)د وزیراعظم وياند ډاكټر مصدق ملك وئيلي دې شریفه كورنۍ په پانامه دستاوېزات كېس كښې د عدل او انصاف په هيله خپل قانوني او آئيني حق نه لاس په سر شوي او د احلاقي فريضې تر مخه ئې خپل ځان احتساب ته وړاندې كړے ٶ خو جے آئي ټي د آئين او قانون څخه د تجاوز كولو تګلارې خپلولو څخه شكونه راپېدا كېږي او د سازش بوې ترې راځي٬ د مسعود محمود غوندې د سلطاني ګواه لټون له هڅې روانې دي٫ سپریم کورټ بائد جے آئي ټي د قانون او آئين په دائره كښې دننه د خپلې وظيفې ترسره كولو پابند كړي٬ په پانامه پېپرز كښې چې كوم دستاوېزات جمع كړې شوي د ھغې تصديق دې وكړې شي٬ د شريفې كورنۍ د مني ټرېل تصديق قطري كورنۍ كوي٬ جے آئي ټي د ھغې تصديق لپاره قطر ته ولې نه ځي٬ سپريم كورټ كښې د پانامه كېس پحقله مونږ په پرېكړه ځكه خواږه وېشلې ٶ چې مونږ د انصاف په لټون وٶ او د قانون او آئين له مخې مو په پلټنو كښې خوښي لرله۔ د دې خيالاتو څرګندونه ده د زيارت په ورځ خبرې كنفرنس ته وكړه۔ ډاكټر مصدق ملك ووئيل كه زمونږ په زړه كښې بغض وې او يا د تفتيش نه ېريدو نو په په پرېكړه به مونږ خواږه نه وېشل٬ ده ووئېل مونږ خواږه دې لپاره وېشل كومه تګلار چې ?? سپريم كورټ پنځه كيسزه بنچ جے آئي ټي جوړولو لپاره طريقه كار كښې لېكلې وه٬ آيا د ھغه طريقه كار د لارې جے آئي ټي جوړه شوه ؟ ۔ده ووئيل آيا جے آئي ټي د ټولو ثبوتونو سره مخ په وړاندې روانه ده٬ آيا د پي ټي آئي د كاغذونو پړتال شوے ٬ ده ووئېل په زور زبردستۍ خلقو ته وئېلې شوې دي چې بيان حلفي بېرته واخلۍ ګني نو پنځلس كالو له به زندان كښې واچولۍ شئ ٬ آيا د ھغه انصاف دے كوم لپاره چې مونږ خواږه وېشلې ٶ۔ مصدق ملك ووئېل ووئيل جے آئي ټي يا خو څه پرېكړه كړې او يا به په 60 ورځو كښې د كال 1977 د 90 ورځو غوندې پراختيا وغواړي٬ ده ووئېل په خلقو جبر وكړې شي چې ھغوي سلطاني ګواه جوړ شي٬ آيا دا ھغه انصاف دے كوم لپاره چې د وزیراعظم هاؤس فون ټېپ كړې شول ٬ ده ووئېل د وټس اېپ يوه پلنده هم جمع كړې شوې٬ ټوېئټر اكاٶنټس هم وړاندې كړې شول ۔ ده ووئېل ايا دې لپاره خواږه وېشلې شوې وو چې ھغه دستاوېزات او عكسونه چې جے آئي ټي كښې دننه اخستلې شوې وو ترتيب وار ليك كرې شي ٬ ده ووئېل كل?? چې جے آئي ټي ومنل چې دا عكس مونږ ليك كړې او دا عكس نامعلومه كس ليك كړې او د ھغه په ضد نامعلومه كاروائي وكړې شوه ۔ ده ووئيل كابينې يوه پرېكړه وكړه او د ھغې د لارې جے آئي ټي ته طاقت وركړې شو۔ ده ووئيل مونږ د عدالت دننه موقف خپل كړې ٶ چې په كال 1978 كښې ګلف سټيل مل جوړ شوې ٶ او خرڅ كړې شوې٬ چې كومې پېسې راغلې وې ھعه د قطر شهزاده سره انوسمنټ كړې شوې وې?? دې لپاره لازمه وه چې جے آئي ټي قطر ته لاړه شي او د دې تصديق وكړې ٬ مصدق ملك ووئېل جے آئي ټي خپله دوه لارې ښودلې وې چې د قطر شهزاده دې پاكستان ته راشي يا مونږ خپله ھغوي له ورشو۔ ده ووئېل درې خطونه راغلي دي٬ د قطر شهزاده د شريفې كورنۍ پحقله په هره خبره كل?? ولاړ دے٬ قطر ته ولې نه ځي ٬ يو ټكټ دې واخلي او جے آئي ټي دې قطر ته لاړه شي او د دې كورنۍ پحقله چې څه تپوسونه كول وي ودې كړي يا كه ستاسو په ذهن كښې څه بله خاكه د وړاندې نه موجود ده۔ده ووئيل زمونږ په ذهن كښې ٶ چې ټوله معامله به د آئين او قانون له مخي وي٬ مونږ ډېر افسوس كوٶ چې داسې ونه شول٬ كوم طريقه كار چې خپل كړې شو په ھغې كښې كمې دے۔ ډاكټر مصدق ملك ووئيل تجزيه كوٶنكي ٬ د قلم خاوندان٬ خبريالان پخپلو ورځپاڼو او مجلو كښې د دې سازش پحقله ليكل كوي۔ ده ووئيل د جے آئي ټي طريقه كار د شكونو نه لرې پكار دے ٬ مونږ سپريم كورټ ته اپيل كوٶ چې د جے آئي ټي كومې چارې د قانون د دائرې نه بهر دي ھغه د قانون له مخې كړي ولې چې اوس لا ډېر كار پاتې دے او اوبه په سر اوړېدلې نه دي۔ ده ووئيل مونږ ته قانوني پوهانو د سترې محكمې د دائره كار چېلنج كولو وئيلي وو او وزيراعظم له د استثنٰې مشورې وركړې شوې خو داسې يوه مشوره وزيراعظم ونه منله او خپل ځان او كورنۍ ئې احتساب له وړاندې كړه ۔
سپریم کورټ بائد جے آئي ټي د قانون او آئين په دائره كښې دننه د خپلې وظيفې ترسره كولو پابند كړي
مضمون کا ماخذ : بہت سے نتائج
متعلقہ مضامین
