كراچې 10 اپريل (اے پي پي) د كورنيو چارو وفاقي وزير شېخ رشيد احمد وئيلي دي چې د پاكستان د ساحلي پولې حفاظت لپاره د كوسټ ګارډز كردار د ستائنې وړ دے، ساحلي سيمې به د سمګلنګ نه پاكوو. د كورنيو چارو وفاقي وزير شېخ رشيد احمد د خالي په ورځ د پاكستان كوسټ ګارډز په پاسنګ آٶټ دستوره كښې د خاص مېلمه په توګه ګډون وكړو. د كورنيو چارو وفاقي وزير د پاسنګ آٶټ پرېډ د معائنه كولو نه پس د پرېډ ګډون كوونكو او مېلمنو ته وېنا وكړه. ده ووئيل چې د پاكستان كوسټ ګارډز خدماتو ته پېرزوينه وړاندې كوم او كامياب شويو رېكروټس ته مباركي وايم. د كورنيو چارو وزير ووئيل چې د پاكستان د ساحلي پولې حفاظت لپاره د كوسټ ګارډز كردار د ستائنې وړ دے، ساحلي سيمې به د سمګلنګ نه پاكوو.وفاقي وزير د تربيې په مهال غوره كاكردګي كوونكو رېكروټس ته انعامات هم وركړل.
مضمون کا ماخذ : قسمت کا پہیہ
