??اہ??ہ۔19دس??بر?? (اے پی پی) وزیراعظم محمد شہبازشریف آکھیا جو نیگر اتے چھوٹے تے وچلے درجے دے کاروبار معاشی ترقی کیتے اہم ہن، ڈی ایٹ رکن ملکاں کیتے نینگراں کوں بااختیار ٻݨاوݨ، انہاں اچ ایس ایم ایز دے رجحان کوں ودھاوݨ اہم اے۔ ڈیجیٹل دنیا اچ موقعتیاں تو?? فیدہ چاوݨ کیتے نینگراں کوں آئی ٹی دی تربیت اتے ارباں روپے دے قرضے ݙتی ویندے پئن۔ غزہ اچ فوری جنگ بندی تھیوݨی چاہیدی اے۔ اے نہ صرف خطے بلکہ دنیا دے امن کیتے ضروری اے۔ اے ڳالھیں انہاں ??می?? کوں ترقی پذیر ملکاں دی تنظیم ڈی ۔8 دے 11ویں سربراہی اجلاس تو?? خطاب کریندیں ہوئیں آکھی۔ وزیراعظم ڈی ۔8 سربراہی اجلاس دی میزبانی تے مصری حکومت اتے اوندی قیادت کوں مبارخ ݙیندیں ہوئیں آکھیا جو برادر ملک آذربائیجان کوں ڈی ۔8 دا رکن ٻݨݨ تے خوش آمدید آکھیا اتے یقین کیتا جو آذربائجان ، صدر الہام علیوف دی باصلاحیت قیادت میںڈی ۔8 دے مقاصد اچ اہم کردار ادا کریسی۔ وزیراعظم غزہ اچ جنگ بندی کوں اہم اتے ضروری قرار ݙیندیں ہوئیں زور ݙتا جو گزہ اچ فوری جنگ بندی تھیوݨی چاہیدی اے۔ وزیراعظم آکھیا جو نیگر اتے چھوٹے تے وچلے درجے دے کاروبار معاشی ترقی کیتے اہم ہن، ڈی ایٹ رکن ملکاں کیتے نینگراں کوں بااختیار ٻݨاوݨ، انہاں اچ ایس ایم ایز دے رجحان کوں ودھاوݨ اہم اے۔ انہاں ڈی ایٹ دے رکن ملکاں کیتے نینگراں کوں بااختیار ٻݨاوݨ کوں اہم قرار ݙیندیں ہوئیں آکھیا جو ایں سال سربراہی اجلاس دا مرکزی خیال” نینگراں اچ سرمایہ کاری، چھوٹے اتے وچلے درجے دے کاروباری اداریاں دے رجحان کوں ودھاوݨ: اصل اچ 21 ویں صدی اچ اساݙی سانجھی خوشحالی دا خاکہ اے۔ انہاں آکھیا جو پاکستان دی آبادی دا 60فیصد تو?? ودھ حصہ 30 سال تو?? ڳھٹ عمر دے نینگراں تے مشتمل اے جیڑھا جو جدت اتے ترقی اچ اہم کردار ادا کر سڳدے۔ وزیراعظم آکھیا جو حکومت پاکستان آپݨے فلیگ شپ یوتھ پروگرام دے ذریعے، معیاری تعلیم ، روزگار اتے پیداواری موقعیاں تو?? فیدہ چاوݨ کیتے پرعزم اے۔ انہاں آکھیا جو 2013 تو?? ہݨ ٹئیں ایں پروگرام دے ذریعے لائق اتے قابل طالب علماں اچ چھی لکھ تو?? ودھ لیپ ٹاپس اتے ہزاراں سکالر شپ ݙتی ڳئن۔ لکھاں نینگراں کوں مصنوعی ذہانت، ڈیٹا اینالیٹکس، اتے سا??بر سکیورٹی بارے فنی تربیت ݙتی ڳئی اے۔ وزیراعظم آکھیاجو حکومت پاکستان یوتھ بزنس اینڈ ایگریکلچر لون سکیم دے ذریعے ارباں روپاں دے قرضے ݙتن جئیں دا مقصد نینگراں کوں آپݨے پیراں تے کھڑاوݨ اے۔ انہاں آکھیاجو اساݙے سٹارٹ اپس پاکستان اتے نیشنل انوویشن ایوارڈز سویں اقدامات دا مقصد ہک امید افزا سٹارٹ اپ ماحول کوں ودھاوݨ اے۔ وزیراعظم آکھیاجو 11واں ڈی ۔ 8 سربراہی اجلاس ایس ایم ایز بارے سانجھ دا نادر موقع اے۔ وزیراعظم آکھیا جو ترقی اتے خوشحالی کیتے کنیکٹوٹی ضروری اے۔ ایں بارے وزیراعظم پاک ایران ترکی کوریڈور دا حوالہ ݙیندیں ہوئیں اینکوں ہک بہترین منصوبہ قرار ݙتے۔ وزیراعظم آکھیا جو اے ݙسیندیں ہوئیں انہاں کوں خوشی تھیندی پئی اے جو پاکستان دی کابینہ تنازعے نبیڑݨ دے میکنزم بارے ڈی ایٹ دے رکن ملکاں نال پروٹوکول اتے ترجیحی تجارتی معاہدے دی منظوری ݙے ݙتی اے۔ آؤ اساں رل تے نینگراں کوں بااختیار ٻݨاوݨ دے مناسب موقع ݙٰیوں تانجو اساݙا مستقبل ہک بااختیار نسل دے ہتھ اچ ہووے۔
نیگر اتے چھوٹے تے وچلے درجے دے کاروبار معاشی ترقی کیتے اہم ہن، ڈی ایٹ رکن ملکاں کیتے نینگراں کوں بااختیار ٻݨاوݨ، انہاں اچ ایس ایم ایز دے رجحان کوں ودھاوݨ اہم اے، وزیراعظم شہبازشریف دا سربراہی اجلاس توں خطاب
مضمون کا ماخذ : نمبروں دا میگا سینا
متعلقہ مضامین
