راولپنڈی ۔ 4 ستمبر (اے پی پی) پاک فوج دے شعبہ تعلقات عامہ (آئی ایس پی آر) دے ڈائریکٹر میجر جنرل آصف غفورآکھیا جو کشمیر عالمی سطح تے ا??سانی حقوق دی بدترین خلاف ورزی دا مسئلہ بنڑ گئے ،اساں ایندا پر امن حل چاہندوں،کشمیر پاکستان اتے بھارت اچ نظریاتی یا جغرافیائی نی انسانی حقوق دا عالمی مسئلہ بنڑ گئے جئیں دا حل ضروری اے،کشمیری 72سال دے بدترین ظلم تے گزردے پن،اساں کشمیر سانگے آخری گولی،آخری سپاہی اتے آخری حد تئیں ویسوں،پاکستان دی کوششاں بھارت دے 5اگست دے ا??دام دی واپسی تئیں محدود کائنی،اساڈا کوئی وی قدم جیڑھا جو بھارت دے حق اچ ویسی او کشمیریاں نال غداری اے،خصوصی حیثیت بدنڑ دا مقصد مقبوضہ کشمیر دی ڈیمو گرافی بدلنڑ اے،کشمیریاں کوں سنھیا ڈیندوں جو آزادی دی جدوجہد اچ انہاں دے رلے ہیسے،بھارت کشمیر دی جدوجہد کوں دہشت گردی نال جوڑنڑ دی کوشش کیتی اے،کجھ لوک سوشل میڈیا تے بہہ کراہیں من گھڑت گالھیں کریندن،مسئلہ کشمیر تے ا??ریکہ نال کوئی ڈیل کائنی تھئی،آرمی چیف جنرل قم?? جاوید باجوہ مدت ملازمت اچ توسیع نہ چاہندے ہن،وزیراعظم اجوکے حالات پاروں انہاں دی توسیع کیتی اے۔بدھ کوں میڈیا بریفنگ ڈیندیں ہوئیں پاک فوج دے شعبہ تعلقات عامہ دے ڈائریکٹر میجر جنرل آصف غفورآکھیا جوکشمیر دا مسئلہ اقوام متحدہ دی سلامتی کونسل دی قرارداداں دے مطابق حل تھیونڑاں چاہیدے،بھارت اچ انتہا پسندھ آر ایس ایس اتے نازی سوچ پاروں 22کروڑ اقلیتاں کوں خطرہ اے،اساڈی جدوجہد کشمیریاں دے حق خودارادیت گھنڑ اچ اے،آرٹیکل 35 اے اتے آرٹیکل 370 دی موجودگی نال نہ ??اں کشمیریاں کوں کوئی ریلیف ملیا ہئی اتے نہ ??یں دے خاتمے نال بھارتی ظلم و ستم گھٹ تھیے،پاکستان کہیں وی حالات نال نبڑنڑ سانگے تیار اے،پاکستان عالمی برادری کوں جگاونڑ دی کوشش کریندا پے،پاکستان کوئی ایجھا کم کائنا کریسی جئیں نال عالمی امن کوں خطرہ ہووے ۔انہاں آکھیا جو اساں کشمیریاں دے نال ہاسے،کھڑے ہیسے اتے کھڑے رہسوں،کشمیری اپنڑاں حق خودارادیت گھن تے رہسن،آزادی دی جدوجہد لمبی اے۔انہاں آکھای جو مودی دی اے کوشش ہوسی جو ظلم ودھے تانجو ردعمل کوں دہشت گرد قرارڈتا ونج سگے۔انہاں آکھیا جو افغانستان اچ 40سالیں توں جاری بدامنی دا پاکستان تے وی اثر پے،۔پاکستان امن سانگے بھرپورکوششاں کیتن اتے اجوکے ا??ن عمل کوں وی پاکستان دی حمایت حاصل اے،افغانستان اچ بد امنی پاروں اساڈے ڈو لکھ فوجی افغان سرحد تے تعینات ہن۔72سالیں توں بدقسمتی نال عالمی برادری ایں پاسے اتنی توجہ نی ڈتی جتنا ایندا حق ہئی ۔انہاں آکھیا جو بھارت ولوں 5اگست دے ا??دام دے بعد مقبوضہ کشمیر اچ انسانی حقوق دی خلاف ورزیاں ودھ گئن ہنڑ اے کشمیر عالمی سطح تے ا??سانی حقوق دی بدترین خلاف ورزی دا مسئلہ بنڑ گئے جئیں دا حل ضروری اے۔انہاں آکھیا جوبھارت اے گالھ یاد رکھے جو جنگاں صرف ہتھیاراں اتے مضوط معیشت نال نی لڑی ویندی،انہاں سانگے حب الوطنی،عوام دا اتحاد اتے سپاہ دا جذبہ ضروری اے۔
بھارت اے گالھ یاد رکھے جو جنگاں صرف ہتھیاراں اتے مضوط معیشت نال نی لڑی ویندی،انہاں سانگے حب الوطنی،عوام دا اتحاد اتے سپاہ دا جذبہ ضروری اے،پاک فوج دے شعبہ تعلقات عامہ دے ڈائریکٹر میجر جنرل آصف غفوردی میڈیا بریفنگ
مضمون کا ماخذ : لاٹری کی تجزیاتی ایپ
متعلقہ مضامین
