اسلام آباد – 08 – آڪٽوبر (اي پي پي) صدر آصف علي زرداري ملڪي معيشت کي بهتر بڻائڻ جي لاءِ وياج جي شرح کي وڌيڪ معقول بڻائي ڪاروبار جي لاءِ سازگار ماحول فراهم ڪرڻ، گهٽ لاڳت توانائي جي فراهمي ۽ برآمدات تي ٻڌل صنعتن جي فروغ تي ز??ر ڏنو آهي، هن واپاري برادري تي ز??ر ڏنو ته اها ملڪ جي اسٽاڪ ايڪسچينج ۾ سيڙپڪاري ڪرڻ کانسواءِ اهڙين صنعتن تي ڌيان ڏي جيڪي ننڍي ۽ وچولي درجي جي ڪاروباري ادارن کي سپو??ٽ ۽ ماڻهن کي روزگار فراهم ڪن ٿيون. اهڙن خيالن جو اظهار هن ايوان صدر ۾ 12 هين فيڊريشن آف پ??ڪستان چيمبرز اينڊ ڪامرس اينڊ انڊسٽري (ايف پي سي سي آءِ) ايڪسيلينس ايوارڊز جي تقريب کي خطاب ڪندي ڪيو. تقريب ۾ واپاري برادري جي ميمبرن ۽ اعليٰ سرڪاري آفيسرن شرڪت ڪئي. ان موقعي تي صدر چيو ته بلند وياج جي شرح ملڪي معيشت ۽ ڪاروبار جي لاءِ فائديمند نه آهي. هن چيو ته هو حڪومت کي چوندو ته اها ڪاروباري سرگرمين کي وڌائڻ جي لاءِ پاليسي ريٽ گهٽ ڪرڻ تي غور ڪري. هن چيو ته ملڪ کي معاشي چئلينجز مان ڪڍڻ جي لاءِ جامع حڪمت عملي جي ضرورت آهي. پنهنجي اڳوڻي حڪومت جي دور جو ذڪر ڪندي صدر ان ڳالهه تي روشني وڌي ته سيڪيورٽي چئلينجز ۽ دهشتگردي جي خلاف جنگ جي باوجود برآمدات تي ٻڌل صنعتن کي سپورٽ ڪرڻ ۽ گهٽ لاڳت توانائي فراهم ڪرڻ جي انهن جي اقتصادي پاليسي ملڪ جي روانگي واپار ۾ اضافي جو سبب بڻي. صدر چيو ته واپار ۽ صنعت جي فروغ ۾ مدد جي لاءِ سستي بجلي، زمين ۽ ٻين سهولتن جي فراهمي جي لاءِ قدم کنيا وڃن. هن واپاري برادري تي ز??ر ڏنو ته اها ملڪ جي معاشي تبديلي جي لاءِ فعال ڪردار ادا ڪندي رهي. صدر صحتمند چٽاڀيٽي جي حوصلا افزائي جي لاءِ ملڪ جي اعليٰ ڪاروباري ادارن کي ايڪسيلينس ايوارڊز ڏيڻ تي ايف پي سي سي آءِ کي ساراهيو. هن ايف پي سي سي آءِ تي ز??ر ڏنو ته هو اهڙيون پاليسيون تيار ڪرڻ ۾ مدد جي لاءِ پنهنجو قيمتي ان پٽ فراهم ڪري جيڪو روانگي واپ??ر کي فروغ ڏي ۽ ملڪي صنعتن جي حوصلا افزائي ڪري. ايف پي سي سي آءِ جي صدر عاطف اڪرام شيخ چيو ته معاشي چئلينجز کي موقعن ۾ تبديل ڪيو پيو وڃي. گروپ ليڊر ايف پي سي سي آءِ ڊاڪٽر گوهر اعجاز چيو ته ملڪي معيشت بهتر ٿي رهي آهي. هن چيو ته واپاري برادري ملڪي روانگي واپ??ر کي وڌائڻ جي لاءِ ڪوششون ڪري رهي آهي. صدر 12 هين ايف پي سي سي آءِ ايڪسيلينس ايوارڊز به بزنس ڪميونٽي جي ميمبرن ۾ انهن جي شاندار ڪارڪردگي ۽ معيشت ۾ حصيداري تي ورهايا.
ملڪي معيشت کي بهتر بڻائڻ جي لاءِ وياج جي شرح کي وڌيڪ معقول بڻائي ڪاروبار جي لاءِ سازگار ماحول فراهم ڪرڻ، گهٽ لاڳت توانائي جي فراهمي ۽ برآمدات تي ٻڌل صنعتن جي فروغ جي ضرورت آهي: صدر آصف علي زرداري
مضمون کا ماخذ : ڈوپلا سینا
متعلقہ مضامین
