اسلام آباد۔30اکتوبر(اے پی پی) وفاقی وزیر بحری ا??ور قیصر احمد شیخ پاکستان دی بلیو اک??نو??ی کوں تکڑا بݨاوݨ سانڳے سٹریٹجک شراکت داری تے زور ݙتے ۔ انھاں نیشنل انسٹی ٹیوٹ آف میری ٹائم افیئرز (این آئی ایم اے) دا دورہ کیتے جیں اچ وزارت بحری ا??ور اتے این آئی ایم اے وچال ودھ توں ودھ تعاون دی اہمیت کوں اجاگر کیتا ڳئے تاں جو پاکستان دے بحری شعبہ تے ??لک دی بلیو اک??نو??ی اچ ترقی کوں اڳوں ودھایا ونڄ سڳے ۔وفاقی وزیر ایکو کلچر، گرین شپنگ، میری ٹائم ٹورازم اتے گرین شپ ری سائیکلنگ جیھے اہم بحری شعبیں کوں اڳوں ودھاوݨ اچ دلچسپی ڳ??دی ۔وفاقی وزیر قیصر احمد شیخ دورے تے میری ٹائم پالیسی بݨاوݨ ، تحقیق کرݨ تے پاکستان دے بحری مفادات کوں اڳوں ودھاوݨ اچ این آئی ایم اے دے کردار تے تفصیلی بریفنگ ڳھدی۔ بریفنگ اچ ایں ڳالھ تے زور ݙتا ڳئے جو پاکستانی سمندری معیشت ایں ویلھے ملکی ??ی ڈی پی دے 0.2 فیصد توں وی گھٹ نمائندگی کریندی اے جیڑھی وج 8-10 فیصد دے عالمی معیار دے بالکل برعکس اے۔این آئی ایم اے دی حکومتی، قومی اتے بین الاقوامی شراکت داراں نال جاری شراکت داری کوں وی بحری شعبے اچ ترقی کوں تکھا کرݨ سانڳے ضروری قرار ݙتا ڳئے ۔ بریفنگ اچ بلیو اک??نو??ی دے مختلف پہلوواں بارے مختلف امکانات ڳولݨ دا جائزہ ڳھدا ڳئے تے ??لک دے سمندری وسائل کوں بروئے کار گھن آوݨ سانڳے مربوط قومی ایکشن پلان دی لوڑھ دی نشاندہی کیتی ڳئی ۔ وفاقی وزیر میری ٹائم دے سارے شعبیں اچ ترقی سانڳے مستقبل دا روڈ میپ بݨاوݨ سانڳے وزارت بحری ا??ور تے این آئی ایم اے اتے ٻئے میری ٹائم سٹیک ہولڈرز وچال کوششاں دی اہمیت تے زور ݙتا۔
