اسلام آباد۔04اپرېل(اے پی پی)وزيراعظم عمران خان وئېلي دي قام د پرامن احتجاج لپاره راوتلے ٬ثابته شوې چې پي ډي اېم د غېر ملكي قوت په فشار د بې باورۍ تحريك راوړلے ٬زمونږ د حكومت غوندې كاركردګي تېرو حكومتونو نه ده ښودلې٬پي ډي اېم په يره كښې ؤ چې كه مونږ موده پوره كړه نو د هغوي سياست به ختم شي٬اپوزېشن د خپل كرپشن كيسونو ختمولو لپاره اېن آر او غوښته۔په 20 ٬ 25 كروړه روپۍ ضميرونه اخستلې شوي ٬آيا په ضمير اغستو حكومت جوړول جائز دي٬د ضمير خرڅونكو سياست به ختم شي٬مونږ د ټاكنو تياري پېل كړې ٬ ټكټ به هغه چا له وركوو څوك چې د هېواد سوچ لري٬د كانديدانو به پخپله انټرويو كوم۔وزيراعظم عمران خان ووئيل د هېواد د موجوده صورتحال ترمخه ستاسو سره ما د خبرې كولو پريكړه كړې٬مونږ د ټاكنو پريكړه كړې٬اپوزېشن به د دريو كلونو راهيسې وئېل چې حكومت ناكامه شوے۔د اپوزېشن په وېنا نو د نوو ټاكنو اعلان كړے۔اپوزېشن په سپريم كورټ كښې څه كوي؟هغوي د تېرو دريو نيمو كلونو راهسې اېن آر او غوښته٬وړاندې مشرف هغوي له اېن آر او وركړې٬په لسو كلونو كښې بيا د هغوي په ضد مقدمې جوړې شوي٬په دغه كيسونو كښې 90 فيصده كيسونه په پخواني دور كښې جوړ شوي۔ده ووئيل د شهباز شريف زوې په ضمانت دے٬نواز شريف سزايافته دے٬د يوې پوښتنې په ځواب وزيراعظم ووئيل وړاندې مونږ د ټاكنو تجربه نه لرله٬اوس مونږ د ټاكنو تياري پېل كړې۔د ټكټونو وركولو په حقله به محتاط يو٬په دې هم كار پېل شوے٬په راروانو ټول ټاكنو كښې به د اليكټيبلز په ځاې نظريې ته پام لرنه كولې شي او په سوچ سره به ټكټونه وركولې شي دغسې چې پارليمان ته داسې كسان راشي كوم چې د هېواد سوچ لري۔وزيراعظم ووئيل اپوزېشن ته د نړيوالو قوتونو ملاتړ ترلاسه ؤ ٬مونږ سره د هغې ثبوت شته٬د يوې پوښتنې په ځواب وزيراعظم ووئيل په پنجاب كښې هم د غړو د خرڅولو اغستلو اطلاعات راغلي۔ماته وئېلي شوي چې يو هوټل ته غړي اخستو له راوستلې كېږي۔زمونږ وګړي به د دغې په ضد د هوټل په خوا كښې احتجاج كوي۔وزيراعظم ووئيل اپوزېشن ته دا وئېلي شوي چې كه د عمران خان حكومت مو ختم كړو نو تاسوسره به ښې اړيكې وساتو٬آيا دا جمهوريت دے؟زه به هم د دې په ضد احتجاج كوم٬ ده ووئېل نن په په رېډ زون كښې د ماسختن مونځ نه پس امن ناك احتجاج كېږي٬بايد اولس په دې كښې ګډون وكړي۔د يوې بلې پوښتنې په ځواب وزيراعظم ووئيل زموڼږ په حكومت كښې د معيشت صورتحال ښه شوے٬رېكارډ برآمدات شوي٬په ټوله اسياﺀ كښې تر ټولو زياتې د روزګار موقعې په پاكستان كښې راپېدا شوي۔كروندګرو له روپۍ وركړی شوې٬د فصلونو رېكارډ پیداوار راغلے او د ټېكس وركړه هم زياته شوې ۔ ده ووئېل بهر هېوادونو كښې مېشته پاكستانيانو رېكارډ ترسيلات زر رالېږلي خو د يوې مياشتې راهيسې چې كوم سياسي بحران راپېدا شوے د دې له امله به معيشت ځپلے كېږي۔وزيراعظم ووئيل په قام عمر له امربالمعروف لپاره زور راوړم٬انصاف په ځاې ساتل د قام كار دے۔لويې څښتن مونږ له د ښه والي حكم راكړے٬ ده ووئېل دا څنګه جمهوريت دے چې په پيسو وركولو وګړي اغستلې كېږي٬غېر ملكي مداخلت اوس په ډاګه شوے٬بايد دې لپاره اولس بهر راوځي۔
زمونږ د حكومت غوندې كاركردګي كوم حكومت نه ده ښودلې٬مونږ د ټول ټاكنو تيارۍ پېل كړې ٬ټكټس به يوازې هغه ته وركولې شي څوك چې د هېواد فكر كونكے وي۔د وزيراعظم عمران خان”ستاسو وزيراعظم ستاسو سره”پروګرام كښې د اولس د فون كالز ځوابونه
مضمون کا ماخذ : prêmios raspadinha
متعلقہ مضامین
.jpg)
