دبئۍ 30 نومبر (اے پي پي) نګران وزيراعظم انوار الحق کاکړ د لاس اېنډ ډيميج فنډ په سمدستي توګه د فعاله كولو په ضرورت زور راوړلو سره وئيلي دي بايد د موسمياتي بدلون پحقله شتمند او پرمختللي هېوادونه د ذمه وارۍ څرګندونه وكړي، متحدہ عرب امارات، سعودي عرب او خليجي او لويديز هېوادونه د موسمياتي بدلون اثرات كمولو لپاره په پاكستان كښې د متبادل توان په منصوبو كښې سرمايه كاري كولې شي۔ د دې خيالاتو څرګندونه ده د زيارت په ورځ د كوپ۔28 غونډې په مهال د امريكې ټي وي چېنل سره په مركه كښې كړې۔ ده ووئيل پاكستان د موسمياتي بدلون ذمه وار نه دے خو د موسمياتي بدلون له امله پاكستان كښې د سېلاب په سبب سندھ او بلوچستان صوبې ځپلې شوې دي۔ ده ووئيل مونږ ټولو له په باور وركولو كښې كامياب شوې يو چې لاس اينډ ډيميج فنډ پرمختيائي فنډز او د لويو مالياتي ادارو د قرضو نه جلا پكار دے او دا سرمايه كاري په مېرټ او انصاف پكار ده او دا شراكتداري په حقيقي معنو كول پكار ده ۔ وزيراعظم ووئيل ټولو ته معلومه ده چې په تېره پېړۍ كښې د ماحولياتي بدلون د اثرات ذمه وار څوك دے٬ په هېوادونو او معيشتونو د پرېكړې تپلو په ځاے ايمانداره مباحثه مهمه ده٬ شتمندو هېوادونو له خپله د ذمه وارۍ څرګندونه پكار ده ۔ده ووئيل د لاس اينډ ډيميج فنډ پحقله د ملګرو ملتونو په فرېم ورك ډېر موده لګېدې شي خو د لويو نړيوالو مالياتي ادارو د لارې دا فعاله كېدے شي، وزيراعظم ووئېل مونږ په سكرو چلېدونكې منصوبې د تجديد وړ توان په منصوبو د بدلولو لائحه وضع كړې، د ماحولياتي بدلون پحقله په داسې خاص منصوبو كښې سرمايه كارۍ ته اړتيا ده، خليجي هېوادونه متحدہ عرب امارات، سعودي عرب او د کوېت پشمول لويديز هېوادونه په دې كښې سرمايه كاري كولې شي دا زمونږ او دوي لپاره يو غوره موقع ده۔
بايد د موسمياتي بدلون پحقله شتمند او پرمختللي هېوادونه د ذمه وارۍ څرګندونه وكړي٬ خليج او لوېديز هېوادونه پاكستان كښې د متبادل توان په منصوبو كښې سرمايه كاري كولې شي۔ د نګران وزيراعظم انوار الحق کاکړ د امرېكې ټي وي چېنل سره مركه
مضمون کا ماخذ : بونانزا
متعلقہ مضامین
